Salam Lebaran

Selamat Hari Raya Aidilfitri.....

Seperti apo yang den niatkan dari opis tadi, den nak update blog den yang dah lamo tak berjongok nia....

Memulo nak masuk tadi tak dapek...gupo2 ea password den dah saspend...kono lak create pasword baru...baru la dapek masuk senia balik... tu menunjukkan betapo lamo ea den tinggalkan dunio blog nia hehehe...

Last den update July 2009, nia dah September 2009 ( tu pun dah penghujung.. ).. nak mulo an tu kanmain kekok laie..

Po yang nak den gebang kan kek senia yo...emmm...

Ok lah...

Ari ni dah pun masuk hari yang ko-10 gayo.... kiro ea 10Syawal mako cukup la 16 hari apak den tinggalkan den sekeluargo... Sapo yang mendugo rayo ni berayo tanpo apak..

Senario 5 hari sebolum apak melangkah ke alam barzakh;
9 sep - Rabu;
Sahur pagi tu apak jatuh maso nak keluar bilik air..dah nak goruh kato orang... dio masuk bilik air tak switch on lampu...agak ea merabo2 yo la tu. Agak ea dek sakit apak cumo mengadu ngan omak dio tak sodap badan.. maso adik nak mpoie sekolah tu dio sompek cakap yang dio nak 'mati' tapi adik ignore yo...laie pun apak memang selalu tak sihat akhir2 ni. Sojak apak masuk sepital bulan lopeh dio memang ado mengadu tak sodap badan tapi kami sumo tak do any action cumo den yo kuek ajak poie berurut.
Pagi ea tu omak poie pungut buah berangan mo wan induk seromi and induk esah tapi sebolum tu mak tanyo apak dulu..buleh ko tak dio ikut induk2 tu...tapi apak kato dio ok..mak pun poie la..mak balik dalam kul 12kut..maso tu la anak den si Qasry sibuk panggil omak den tapi mak den ingat qasry sajo2 yo panggil dio gupo2 ea maso tu apak baru yo lopeh muntah(mungkin dek terantuk maso jatuh tu kut)....yang ado mo apak maso dio muntah tu cumo Qasry( dio baru balik sekolah )... qasry la yang amikkan besen tadah muntah apak n bangunkan apak dari terbaring tu ( ini memang jadi sobutan apak maso dio kek sepital )
Maso tu la omak den call den. Den lak maso tu poie hantar QC den check-up kek Sepital Lourde jalan ipoh. Maso dapek call tu berdorau gak darah..peh tu call En.Iyeh suh callkan ambulans and call wan induk Molo. Qasry lak omak den suh panggilkan wan induk Seromi.
Mak cakap maso tu yo badan apak jadi koreh/kojang and at d same time apak meraung dek sakit.Orang cakap kalo kono stroke badan jadi lombik tapi apak lak koreh kojang badan ea.
Den on d way balik opis tu tak tontu arah dibuek ea. Lopeh yo den hantar QC-QC den balik semulo kek opis, den pun gamble balik kampung( tapi dapek permission daghi boss den la..)
On d way balik tu tak putuih2 call omak den.Maso tu apak dah dijomput kek ambulans ko sepital Pilah.Apak kono hantar ke sepital Somban utk buek CT scan.Dr Kl den terus poie sepital somban.Sampai kek sepital Somban apak dah buek CT scan...cumo nak tunggu result scanning tu yo... Maso tu apak sodar laie tp dio cumo cakap sakit sakit sakit...
Dari apo yang doktor cakap(base on CT scan result) apak tak do pendarahan dalam otak ea cumo banyak saluran darah kek otak ea dah blok/boku(otak kanan) tu sobab doktor kato apak xdo reflex sebolah kiri ea...means sebolah kiri ea hampir tak berfungsi laie. Lopeh tu balik kek sepital Pilah balik.Maso tu dah pukul 5.30potang...tunggu apak sampai la time buko.lopeh buko baru balik. Anak2 den terpakso berbuko gumah wan induk Molo.Den pun makan gumah ea tp jadi tak selegho.

10 sep-Khamis;
Den ambik peluang hantar anak2 den poie sekolah... sesuatu yang teramat jarang den dapek lakukan.Confirm anak2 den gaso banggo bilo dihantar kek mama ea hehehe...tak po la...den bukan tak paham perasaan anak2 den tapi keadaan dah berubah...by hook or by crook diorang kono terimo hakikat.
Lopeh hantar anak den ke sekolah den terus poe sepital...mujur la security sepital tu tak banyak songeh ea..laie pun den buek selambo yo masuk..
Maso tu keadaan apak masih macam semalam tapi dio ingat laie la.Walaupun mato ea terkatup yo tp sesekali tu nak yo dio cakap tp tak berapo clear la.Maso tu apak dah mulo diboghi makan memalui tiub.Mak cakap apak menangis maso sumbek an tiub tu...apak pun sompek cakap 'patut la uan dulu tak nak guno tiub---'sakit' kato ea.
Tak dapek lamo sobab qasry dah nak balik sekolah...Balik dr sepital terus masak.Kono masak awal2 sobab nak poie sepital... tgh hari amik anak2 den kek sekolah... balik gumah semulo siap2 nak poie ko sepital. Sampai kek sepital den bergilir mo Ira jago anak den coz budak2 bawah 12taun takleh masuk wad. Balik dr sepital sebolum buko.jomput Alep kek Tanjung and buko poso kek gumah...

11 Sep- Jumaat;
Macam biaso hantar anak den poie sekolah and poie Tanjung boli barang nak masak. Ari ni plan ado sikit tuka. Masak awal2 untuk bawak kek sepital untuk buko nanti.Lewat poie sepital tapi still keep in touch mo omak tanyo an keadaan apak.. Potang baru poie sepital. Keadaan apak masih samo.

...to be cont'....