CLICK HERE FOR BLOGGER TEMPLATES AND MYSPACE LAYOUTS »

Tuesday, April 28, 2009

HALUUUUU....

Salam...

Lamo den tak update blog den ni... tak do idea satu hal... tapi maso tu terlalu mencemburui den la pulak lately ni... .ayo... kekadang tu gimeh yo gaso ea.... dah tak dapek nak bersantai2santai macam dulu laie dah...

Macam biaso...weekend adalah quality time den mo anak2... bocor pun poket den, den totap balik nengok anak2 den... tu yo la maso yang den dapek luangkan mo diorang..

Gumah den dah hampir siap... tapi banyak bondo yang den tak pueh hati... atap ea senget dibuek ea... apron kek longkang lak tak ikut spek...ayoo... ikut an ati den, den tiau yo indon mo bangla2 tu.. tapi den tak kiro... den suruh gak diorang bukak balik mano2 part yang den komplen tu...lantak ea la buek kojo 3-4 kali...ghembat dek kau.. sapo suruh buek kojo x botul..

Nia la contoh gumah yang dh hampir siap tu... ni yang bolum komplen... dah komplen sok macam mano la pulak goman ea gak eh...


dah la heh... den dah ngantuk... kalau sodar nak bangun balik malam kang..

Wednesday, April 22, 2009

PEJAM LAH WAHAI MATA.....

Ya Allah Ya Tuhanku...

Ampunkanlah dosaku kerana merinduinya...

Ampunkanlah dosaku kerana...

tidak pernah berhenti menyayanginya....

tidak pernah berhenti menyintainya....

Ya Allah Ya Tuhanku...

Izinkanlah mataku tertutup agar aku boleh tidur lena...

seperti insan lain...

Aku sudah terlalu penat menghadapi hari-hariku ini...

Ya Allah Ya Tuhanku...

Kembalikanlah dia pada ku....

andai masih ada sisa-sisa kasih sayangnya padaku...

Wahai mata...

Tidurlah... amin..

Monday, April 6, 2009

ini lah 'manusio' bukan 'insan'...

dr mlm td den x leno tido ngonangkan offer yg den dapek... nak terimo ko tak asyik bermain yo di pikiran den tapi dlm diri den dh ado jawapan ea..90%den akan reject...well..

lopeh yo kojo kono hantarkan barang dokek kwn den di Keramat jugak... dalam hati tu mmg dh borek yo x nak poe tp pikir +ve so poe gak la...sampai dokek tompek tu pueh la menunggu ea..ayo..menyighap yo ghaso ati... bilo dh nampak kelibat ea masih den xdo perasaan apo2...biaso la perassan tu dh 'mati mengojut' hampir setaun lopeh so...selambo yo la... dah pueh berkiro2 customer den ni kono byr den spt yg dijanjikan...adat meniago...dah kalau term ea COD means COD la.... alih2 dh dapek barang,dio byr less than rogo modal....umang aiii...raso teraniayo tahap dewa tul...po la 'rahmat' disebalik sumo tu gak eh...dgn tanpa perasaan customr den ni janji nk byr balance ea this week... osah x masuk dek akal ea...dio x pk ko den ni meniago bkn main2...den nak rolling balik modal den yg ciput tu...sodih tul

lopeh dr Keramat tu den raso sodih bona...sayu mek ati bilokalo org memperlekehkan den. tak sudah2 org memperlekehkan diri den...naik fed-up aka loyo dah...x sabar den nnggu 'rahmat' Allah tu..dlm keto tu pueh mujuk ati sendiri...x baik bersunggut mcm baung lam belukar hehehe... tapi sekali pk manusio ko sapo yg den jumpo ni...yo la..kok jumpo malaikat lain lak jd ea hehehhee...tapi dlm pado berpk2 tu x sodr den berjurai2 air mato den nia...on d way ke gumah kak dang mato den dh nak sepet tekau ea...osah paghah ea..
sampai gumah kak dang dio suh masuk tp sogan lak mo laki ea ... kang x pasal2 yo kono ejek mo abg zul..malu lak ghaso ea...so tunggu kak dang dr keto yo....bilo kak dang masuk lam keto terkujat deh den menangih hahahaha....malu gaso ea... peh tu share la mo dio sikit psl kejadian potang td tu..byk la yg dio nasihat an...tu la deh...bilo dah xdo tompek bergantung ni automatik jadi bahan kek org yo.sapo yg x meraso mmg x tau..pueh nak muhasabahkan diri tp x yo elok dek org..ermm lantak lah...bak kato kak dang ea..biar buruk di mato orang asal mulio di mato Allah... hah tu deh yg iyo ea..

lamo berbughak mo kak dang..mcm2 topik yg keluar tapi yg pasti ea xdo berkisar mengato org...byk cito hal 'diri' yo...apo yg kak dang ckp tu mmg topat...harus konal diri sendiri...asal bughak mo kak dang mesti sontuh cito Tuan Tulih,lamo den x singgah n ziarah mokam ea...kalau maso kocik2 dulu omak den siap 'tambang' an air kek mokam ea tu peh tu mandikan den hehehe..kalo pk kan kelakar lak..tp skrg xdo laie dh..laie korap cito psl Tuan Tulih ni laie dokek den raso mo Allahyarham suami den.Tu la agak ea lately ni den asyik mimpikan allahyarham suami den yo... ado org berpendapat,walau pun di alam roh tp life dio masih samo dgn kito yg zahir ni...bilomano anak bini ea dlm kesusahan dio akn ado disamping kito tanpo kito sodar..allahualam...

esok den cuti...den akan uruskan hal 'offer' den tu.

Sunday, April 5, 2009

den, kau mo dio....

Salam...

Den baru yo sampai dr kg den... bdn masih raso ponek..

Xdo apo2 xtvt maso kek kg ari tu.... den blk awal ari Jumaat tu... dapek balik awal tu sobab Khamis malam tu den kono kojo... den kojo 24jam dr Khamis sampai la ko pagi Jumaat... mujur la den dapek balik kojap mandi sobab nk poe main bowling kek Ampang Bowl Khamis tu... lopeh main bowling, boss ajak makan2 lak kek Suzi Corner...layan yo la.. raso sogan gak bilo sesekali campur exempt ni... sesekali tu best la...



Lopeh yo makan tu den cabut poe kojo balik... umang aii... berair tiak hehehe... sampai opis den buek la kojo den tp sikit punyo la ampes... dokument yg den nak tu byk yg x tally... ayooo.... menyighap mek ati.... ingat an dapek la balik dlm kul 10mlm... siap dh janji mo kak dang nk kluar... sekali tu sampai ko pagi besongkang mato... tp den punyo alasan yg kukuh utk x dtg jumaat tu hu hu hu....

sompek tido dlm 2 jam den cabut la balik kg.... osah ghindu ea mo anak2 den... lamo tul raso ea x jumpo...
mcm biaso den akn singgah bolikan Dunkin Donat tuk anak2 den....

sampai kg punyo la melepek raso bdn den... br den akur betapo lonjan ea kojo malam...

potang den poe tgk gumah den...ewahhh.... maso den ambik gambar nia bukan main laie mat2 bangla tu.. nak yo den ambik gbr ea seko2 lotak kek ruangan kenalan dokek URTV huhuhu...



kolam blkg gumah tu nk bolo balik.. sapo nk mancing angkek kaki..hehehe


potang jumaat tu den ambik anak2 den blk dr sekolah terus bwk poe Pilah...nak guntingkan gambut anak2 bujang den... lope tu poe lak gumah x-mentuo den... sian den nengok mantan mak mentuo den tu.. dh makin uzur...den tinggal an org gaji den dulu logo la deh sket... alih2 org gaji tu la yg 'sasau'..kono la di hantar blk ko Indon...
mlm tu den bawak anak2 den mkn kek luar... lamo x bwk diorang mkn luar... kemain selero diorang maso tu...sayu lak ati den nengok ea...




Sabtu tu den poe kenduri tahlil gumah jiran den... sodap mek menu ea... gulai lomak labu mo ikan masin bersambal.ado sambal tempoyak laie... marbelles amekk...

Potang ea tu den bersiar2 laie nengok gumah den kek D'kok... skrg ni musim buah berbungo... sompek yo den ambik manggih kek kawasan gumah den tu... dah masak sok harus laie korap jolok manggih tu... nak ambik bung durian x nampak mek lak...tinggi..